Description
Znalo je se
Sve se je znalo
I ako nikud ni pisalo
Kada čo i kako
Se smi i ne smi.
I komu krivo
Komu pravo,
Tega se je daržalo.
Znalo se je
Počiet od crikve
Čikovi bonki su na bondu
A čikovi na sridinu.
I kad umre
Kuo će bit dignut
Na dvuo mietra visoko
A kuo na jedon.
Ili spuščen na puol.
Znalo se je
Kuo smi šietat pod općinu,
A kuo pod Ninota
Kuo pod đardin
Ili stoji uspožon uz mir.
Kuo nosi klobuk a kuo beritu
Kuo vieženu mahramu,
A kuo nakrivljen kapelin.
Znalo se je
Kuo je gospodor i zapovido.
A kuo lavuro,
Doje dohodak
Slušo i govori
Ši, ši sinjor šor ši.
Sve se je znalo
Ma to je vrime
Malo po malo pasalo.
Lyrics: Marica Gamulin
Music: Katarina & Rene
